أشواق للبركة

(أؤمر بالبركة)

المؤلفون

اسحق كرمي (المرنم)
باسم رشدي (المؤلف)
بهجت عدلي (الملحن)

المواضيع

الإحتياج للرب نعمة الرب

آيات من الكتاب المقدس

أشواق للبركة

العدد 1

أشواق للبركة جوانا

تشبعنا رضى وتفيض فينا

تغمرنا البركة وتملانا

انهارها تفيض من حوالينا

وبروحك تثمر في حياتنا

وتبين ثمر الروح فينا

وبنعطش لحياة البركة

مية ضعف واكتر تدينا

القرار

(أؤمر بالبـــركة في أيامنا

ارجع بمراحمك وأحيينا

إشراقة وجهك نستنى

ونتوب وتعالج أراضينا)2

العدد 2

عايزينك تيجي بسلطانك

تأمر لحياتنا بحرية

نثبت فى الحق يحررنا

من كل خطية وعبودية

من كدب وباطل نقينا

وبروح الحق تنورنا

ارسل كلماتك واشفينا

اظهر في سلوكنا وغيرنا

العدد 3

عايزينك تملك فى حياتنا

وبقوة روحك عيش فينا

تسكن فى القلب وتملانا

من غير ولا ركن يكون لينا

املك فى القلب وعلمنا

ندي لك راحتك فى كياتنا

نور أذهاننا وفهمنا

واتعامل مع بطء بإيماننا

العدد 4

نكرز بكلامك بجسارة

نزرع والمجد يكون لاسمك

وبقوة روحك بحرارة

نحصد ونفوس تعرف شخصك

قوينا فنعمل أعمالك

تدينا كمان أعظم منها

وحياتنا توافق أفكارك

وإيماننا يزيد ونتممها

1×