معرفش ليه

المؤلفون

ماهر فايز (المرنم)
ماهر فايز (المؤلف)
ماهر فايز (الملحن)

المواضيع

العبادة الصلاة أمجاد المسيح النور

آيات من الكتاب المقدس

معرفش ليه

العدد 1

معرفش ليه و أنا بين أيديك

بتجيني رغبة في البكاء

و كــأني أرض و فيها مية

عطشى لمياه السماء

معرفش ليه نورك في عيني

يشجيني يتحول لماء

و أنا بــأغمض عيني عفواً

ده احتضاني للبهاء

في روحي تتفتح عيون

تعاين المجــد في سكون

ملامــح الوجــه الحنون

تحولني شمعة بكاء

ملامـــح الوجــه الحنون

تحولني شــــمعة بكاء

معرفـــــش ليه؟!

العدد 2

معـــــرفش ليه ؟!

تيجي في ضباب الدمع

و تزور في الخـــفاء

القــــلب ده المغسول

و فيه تصـــنع آبار الأرتــواء

تفيض مياه على الوجنتين

على الشفتيـــن تطرح شفاء

على الصدر تجرح قلبي أدوب

و الروح بيعصرني عزاء

و كأن الدمع دم الكيان

ماء الألوهة في انسان

نطق الكلام بدون لسان

لما نطق فـــيه البكـــــــاء

نطق الكــلام بــدون لسان

لما نطق فيـــه البكاء

معرفـــش ليه ؟!

1×