أنا مآمن أنا مصدق

المؤلفون

بيتر عادل (المرنم)
رأفت فوزي (المؤلف)
بيتر عادل (الملحن)

المواضيع

الإيمان وعود الرب وأمانته الطاعة للرب

آيات من الكتاب المقدس

أنا مآمن أنا مصدق

العدد 1

أنا مآمن أنا مصدق

وحتى لو ما شفتش شيء

لابد الوعد يتحقق

يا حــــــصني

وسط زمن الـــضيق

وحتى إن جفت التينة

وكدبت شجرة الزيتون

إيدينك يا أبا دي أمينة

وحضنك مرعايا المــضمون

العدد 2

أنا مآمن أنا خاضع

وحتى لو إيديني ضعاف

وبحري الهايج الواسع

بكلــــمة يطاطي

للمــــجداف

وحتي أن خُرت في الأول

وعشت في أصعب الأوقات

هشوفك وإنت بتحول

خسارتي لربح وانــتصارات

العدد 3

أنا مآمن أنا هامشي

وحتى لو مافيش علامات

أطيعك وقت ما فهمشي

يا نبع رجـــــائي

وســـط مــــمات

أشوف الدنيا مصلوبة

أودع منها كل كنوز

وكل حاجه محبوبة

وتبــــــقي إنت

النصيب والـــفوز

العدد 4

أنا مآمن ومستني

وحتى إن طالت الأيام

في روحي الروح مطمني

في وسط الضيقة

بالقى سلام

أشوف الصورة من عندك

تصلح كل لخبطتي

وصــوتك يابني

أنا ســـــاندك

وتمسك إيدي وتخــطي

العدد 5

أنا مآمن أنا ضارع

وروحي للقدير ساجدة

ورغم مرارة الواقع

حياتي في حضنه مــتاخدة

رجائي في رفعة السيد

يجيب الحق لأصحابه

يفك الضيق ويتمجد

ويهتف كل أحــبابه

1×