رمادي

المؤلفون

فريق الحياة الأفضل (المرنم)
نعيم عاطف (المؤلف)
ماجد عادل (الملحن)

المواضيع

العبادة الإيمان التبعية للرب التغيير

آيات من الكتاب المقدس

رمادي

العدد 1

علشان الناس حواليك

يرضوا وتلاقي قبول

لازم حتماً

تمشي وراهم

في طريق مقبول

لو مرة تخالف

وتفكر تبقى المسؤول

وتلاقي الناس

يبعدوا عنك

وتعيش معزول

وأنا عايش أي كلام

وخلاص وبامثل

على نفسي وع الناس

ومادام دي

السكة المطلوبة

هامشيها كده

من غير احساس

من غير احســاس

من غيرك احســـاس

العدد 2

علشان الناس حواليك

يرضوا وتلاقي قبول

لازم حتما

تنسى أرادتك

وتعيش على طول

في طريق معلوم

بحدود مرسوم

وضمير مشلول

وتعيش في السر

حياة تانية

من غير ما تقول

وأنا عــــايش

ضد ضميري

كمان مش حاسس

إني بقيت إنسان

وباعيش في

الفورمة المطلوبة

مبســـــــــوط

مايهمش لو زعلان

مايهمش لو زعـــــلان

مايهمش لو زعــــلان

العدد 3

يا رب أنا عايز

أعيش واضح

وإيماني أصيل

وأنت اللي

تحدد لي طريقي

وتكون لي دليل

والخطوة أخطيها

جريئة من غير ما تميل

واحقق ذاتي وكياني

من غير تمثيل

مش عــــــايز

أمثل وأنادي

أنا عايزأكون

إنسان عادي

والأبيــض في

يكون ظــاهر

والأســـــــــود

مايكونش

رمـــــــادي

مايكــــــونش

رمـــــــادي

مايكـــــــــونش

رمـــــــادي

جسر

مش عـــايز

أمثل وأنـــادي

أنا عـــــايز

أكون إنسان عادي

مايهمش أرضي الناس

لكـــن إنت اللي تكون

وحدك راضي

(إنت اللـــي تكون

وحدك راضي) 2

إنت اللـــي تكون

وحـــــدك راضي

1×