مش ممكن اكلم ربنا

وإنه إله ساكن بعيد

وأكيد مش زيينا

مش حاسس باللي انا حاسسه

بيطنش اللي انا عايزه

فاكره في كوكب تاني

لكن اكتشفت حاجات تانية

أنا محبوب أنا مقبول

أنا مخلوق على صورة الله

وليّ أمري والمسؤول

عن فرحي وحمايتي معاه

هاتنطط وبكل حماس

ده انا طاير م الفرحة معاه

وهاغني قدام الناس

أيوه انا ابن أعظم إله

أنا كنت فاكر إني ضعت خلاص

ومافيش مني فايدة

وانه ماسك لي عصاية كمان

وواقف لي علي الواحدة

ولازم اصلح نفسي قوام

قبل ما احب أقول له كلام

لكن لما عرفته تمام

اكتشفت حاجات تانية

أنا كنت فاكر إني لعبة

في إيده لغاية يوم ما اموت

وهايتحكم فيَّ يمين

وشمال زي الريموت

وان الصلاة والتسبيح واجب

اعمله ويا إما اتعاقب

لكن انا باعبده وانا حابب

أصلي شفت حاجات تانية