جابلني وفديتني

المؤلفون

بهجت عدلي (المرنم)
هاني منير (المؤلف)
بهجت عدلي (الملحن)

المواضيع

التشكيل الاتكال على الرب

آيات من الكتاب المقدس

جابلني وفديتني

العدد 1

(جابلني وفديتني وليَّ مراحم

ولسَّه في ضعف إيماني باخاف

وقلبي يشكّك في قدرة يمينك

وناسي ماضيَّ وشيلة الكتاف)2

وأعمال عنايتك تأكّد وتحكي

بإنَّك راعيتني في وقت الكفاف

سامحني وساعدني وزوّد إيماني

فأسلّم يا ربّي ولا يوم أخاف

العدد 2

(ما أجمل إيماني في وسط المصاعب

تغيَّر ثوابت وتصنع مُحال

وإيدك بروعة بتضمن نجاتي

وتفتح طريق ولا يخطر ببال)2

ده لو كنت فكَّرت أختار لنفسي

أكيد كنت تُهت وضاعت الآمال

سامحني وساعدني وزوّد إيماني

فاشوفك ولا أرفع عينيَّ لجبال

العدد 3

(وصالحة إرادتك يا رب لحياتي

لو تفتح عينيَّ أشوفها بصحيح

وأسلّم وأرضى عشان إنت طيّب

ودايماً ترتّبلي كلّ مريح)2

ولا يوم أشك في غلاوتي عليك

ده برهان غلاوتي الجنب الجريح

سامحني وساعدني وزوّد إيماني

أتمّم إرادتك يسوع المسيح

1×