كل المخاوف شلتها

(ربي بعظّم نعمتك)

المؤلفون

ناصف صبحي
بهجت عدلي (الملحن)

المواضيع

الشكر الشفاء نعمة الرب وعود الرب وأمانته التسبيح التعزية عناية الرب الاحتماء في الرب

BPM

92

آيات من الكتاب المقدس

كل المخاوف شلتها

العدد 1

كل المخاوف شلتها

لما في حضنك شلتني

مش دي وعودك قلتها

صرخت ليك أنقذتني

وقت البلايا والمحن

جيت زي رابع في الأتون

رثيت وقلبك لي حن

إزاي أمين زيك يخون

القرار

ربي بعظّم نعمتك

وأهتف بفضلك كل حين

وأشهد بروعة رحمتك

وقت التجارب والأنين

العدد 2

مش هانسى روعة وقفتك

لما بإيدك خدتني

ولا هانسى لحظة سندتك

لما تعبت حملتني

جيت لي بنعمة رفعتني

رغم التجارب والآلام

لما انحنيت طمّنتني

ما هو أنت ليك آخر كلام

العدد 3

طلبنا وجهك ولقيناك

وعرفنا راحة محضرك

دوقتنا فرحة لقاك

أدينا ربي نقدرك

أنت القدير عندك شفا

تجبر قلوب المكسورين

والقلب بيك ربي اكتفى

عوضنا بيك ما أنت الكريــــم

1×