أنت أبويا معايا في صفي BPM: 108

(ليّ بكل محبة قلبك)

المؤلفون

بهجت عدلي

المواضيع

غفران الله وعود الرب وأمانته محبة الرب صلاح الله

آيات من الكتاب المقدس

أنت أبويا معايا في صفي

القرار

أنت أبويا معايا في صفّي

فوق الوصف في حبّك ليّ

أنت بِذاتك ليّ تكفّي

مين يأذيني بشكوى عليّ

العدد 1

ليّ بكل محبة قلبك

حبّ حقيقي بيــدّي كتير

اللّي أداني الأغلى في حبّه

ليه يحرمني معاه من الخير

لي صلاحك طيبة قلبك

ليّ في جودك كَنز عظيم

رغم جُحودي يفضل حبّك

يغفر أصلك أبّ كريم

العدد 2

ليّ يا أبويا بكلّ صفاتك

مين راح يقدر يأذيــنــي

كلّ أمانتك كلّ صلاحك

حتّى في ضعفي تقــوّينـي

ليّ وعودك ليّ كــلامك

والنعمة بتسند على طول

ليّ شفاءك ليّ سلامك

ليّ مراحمك مِش هتزول

العدد 3

ليّ بعظمة قوّة وقدرة

تقدر تحيي من الأموات

تقدر تحفظ من غير عثرة

تقدر تغمر بالبــركـــــات

ليّ ومين يشتكي أو يقدر

هتبرّرني ومين هيدين

مهما الحرب تزيد أو تكتر

وعدك: دايماً منتصرين

1×