قلت عليك إن أنت ناسيني

المؤلفون

روماني سليمان
صموئيل فاروق
رأفت رضا (المؤلف)
رأفت رضا (الملحن)

المواضيع

الشكر الإيمان الصلاة الصليب والفداء التجسد عناية الرب صلاح الله

BPM

83

آيات من الكتاب المقدس

قلت عليك إن أنت ناسيني

العدد 1

قلت عليك إن أنت ناسيني

ولا بتدافع ولا تحميني

ولا بيهمك إيه يفرحني

ولا بيهمك إيه يبكيني

لقيتك راسم صورة

لخطة ماهيش محصورة

في ضعفي وجهلي

وفكري البشري

وقدراتي المحدودة

ولقيتك أب في وقت الحاجة

تجري تمد الإيد

ونبص بنظرتنا المحدودة

وإنت تشوف لبعيد

العدد 2

قلت الناس مساكين وغلابة

وإنت بعيد والدنيا دي غابة

والإيمان والصورة الحلوة

لرعايتك شعارات كدابة

لقيت قلبك مليان إحساس

وبتتألم لآلام الناس

وعايش في همومنا ومشاكلنا

وفي قلب الأحداث

ولقيتك لما الجوع بيشد

تبعت خبزي مع الطير

أتذمر وأنت تكون بتعد

وترتب لي الخير

العدد 3

قلت عليك ما بتسمعنيش

أنده ياما عليك ما تجيش

قلت إن إنت خلقت الناس

وسايبنا نعيش زي ما بنعيش

لقيت في الشك غباء وسذاجة

ساعات أحلامنا تكون محتاجة

الشكر مع الإيمان والصبر

ودموع الصلاة بلجاجة

ولقيت الصلاة والصبر معاك

مجهود مش بيضيع

واللي يجيلك عشمان يلقاك

رب بصير وسميع

العدد 4

قلت إن إنت بعيد في سماك

وعينيَّ ما هياش شايفاك

وأعمل إيه علشان أوصلك

وأعمل إيه علشان ألقاك

لقيتك جيت في صورة إنسان

وعشت في نفس ظروفي كمان

واتقال عنك رجل الأوجاع

ومختبر الأحزان

سامحني بدم بصليبك آسف

أسأت الفهم في يوم

وفي ثورة غضبي وقلبي الخايف

وجهتلك لوم

1×