فاتت أيام BPM: 123

المؤلفون

سمير سامي (المؤلف)
سمير سامي (الملحن)

المواضيع

الصلاة أمجاد المسيح عناية الرب الاحتماء في الرب محبة الرب صلاح الله

آيات من الكتاب المقدس

فاتت أيام

العدد 1

فاتِت أيَّام

فُت معاك فيها وِسط الآلام

شُفت جفونَك صاحيَة وما بِتنام

شُفت إيديك مِش سايباني لحالي

إيديك مَمدودَة

وِسط النَّار والأخطار مَوجودَة

روحي بيها واقفَة ومَسنودَة

تِعلن إن انا عَندَك غالي

القرار

هَلِّلويا .. بيك مَوجود

بيك باحيا وباتحَرَّك

هَلِّلويا .. كُلُّه لخيري

ولمَجدَك وبأمرَك

العدد 2

عارِف تِحمي

روحي ونَفسي وكَياني ولَحمي

ناصِب طولي ومِش واقِف مَحني

يشهَد لَحني عَن حُبَّك ليَّ

جودَك حايش

عَنِّي ياما وبيك هافضَل عايش

جوَّه عيونَك مِش جوَّه الهامِش

ساكِن فيك وروحَك ساكِن فيّ

العدد 3

عايش باحكي

عَن إحسانَك حَتَّى وعيني بتِبكي

شايف إزَّاي أحلام قَلبَك ملكي

مَهما ان باشكي هارجَع لَك تاني

ياه عَ القوَّة

لَمَّا بحب بتِملاني مِن جوَّه

بِتحاوِطني وتُحصُرني في صَلوَة

وبيها يفيض قَلبي بأغلى أغاني

1×