يا رئيس السلام

المؤلفون

منير حبيب (المرنم)

المواضيع

الشكر طلب الرب وانتظاره الشفاء التسبيح إرشاد الرب السلام في المسيح

آيات من الكتاب المقدس

يا رئيس السلام

القرار

يا رئيس السلام

يا ملك السلام

يا إله السلام

اغمرنا بسلامك

يا رئيس السلام

يا ملك السلام

يا إله السلام

بنستناك

العدد 1

تعال واهدي الحيارى

واللي تايه في الضلال

عشمانين زورنا زيارة

ليلة ما تخطر ع البال

حط إيدك علينا

وصالحنا يا فادينا

مع الله وخلينا

في سلام

العدد 2

ياللي وعدت إنك تدينا

اللي عندك من سلام

العواصف هايجة علينا

رسينا لبر أمان

ناس كتيره تعبانين

في المرض متوجعين

بتقول هو الرب فين

في الآلام

العدد 3

الشعوب م الحرب عانت

زمن قل فيه الأمان

والكروب حوالينا زادت

فوضى في كل مكان

اطرح عنا كل خوف

طمنا عايزين نشوف

شخصك في كل الظروف

يا حنان

العدد 4

والبيوت اللي قسمها

إبليس عدو كل خير

ضمها ورجع سلامها

طالبينك وحدك لا غير

تعال اشفي القلوب

م الجروح وم العيوب

والبعيد خليه يتوب

بالإيمان

العدد 5

نتملي بسلام سماوي

ونعظم اسم المسيح

والتهليل يعلا له تاني

مع الشكر والتسبيح

هي ديَّه العلامة

ذبايح السلامة

مافيش تاني ملامة

مهما كان

1×