قلبي أسير نعمتك

المؤلفون

ماهر فايز (المرنم)
ماهر فايز (المؤلف)
ماهر فايز (الملحن)

المواضيع

التكريس الفرح نعمة الرب الكلمة الرجاء التعزية

آيات من الكتاب المقدس

قلبي أسير نعمتك

العدد 1

(قلبي أسير نعمتك

و عملها ف قلب حياتي

دا أنا مديون لرحمتك

من بداياتي لنهاياتي)2

جبتني من المزابل

وصنعت لي اسم جديد

وكنت راجع وقابل

تقبلني ضمن العبيد

قلبي أسير قلبي أسير

قلبي أسير نعمتك

قلبي أسير قلبي أسير

قلبي أسير نعمتك

العدد 2

(قلبي رهين كلمتك

وجّهني منين ما تريد

دا أنا مشتاق في سكتك

صوتك في حياتي يزيد)2

وأتحرك وأنا شايفك

ببساطة عين عارفاك

وأعيش لك وأنا خايفك

بقداسة ناس عايزاك

قلبي رهين قلبي رهين

قلبي رهين كلمتك

قلبي رهين قلبي رهين

قلبي رهين كلمتك

العدد 3

(قلبي شهيد خدمتك

وأضّيع فيها الغالي

أعلن اسمك وفديتك

وصليبك وأنكر حالي)2

يد على المحراث

وبالتانية بامسح دموعي

ناسي كل إللى فات

وصوابعي لأجلك شموعي

قلبي شهيد قلبي شهيد

قلبي شهيد خدمتك

قلبي شهيد قلبي شهيد

قلبي شهيد خدمتك

العدد 4

(قلبي مناه مجيّتك

ويكون في سراجي زيت

مع حكيمات بيعتك

كعذارى لازمنا البيت)2

سهري لاسمك بغنّي

ونشيد يجر نشيد

وفوق هايبقى التغنّي

بفرح أبدي ومجيد

قلبي مناه قلبي مناه

قلبي مناه مجيتك

قلبي مناه قلبي مناه

قلبي مناه مجيتك

1×