ربّ المراحم بنجيلك

المؤلفون

بهجت عدلي (المرنم)
بهجت عدلي (المؤلف)
بهجت عدلي (الملحن)

المواضيع

الإحتياج للرب البعد عن الرب والتوبة التعزية

آيات من الكتاب المقدس

ربّ المراحم بنجيلك

العدد 1

ربّ المراحــم بنجيـــلك

نسكب نفوسنا عيونًّا عليك

نمسك في شخصك نناديلك

إرحم ده شعبك مستنّيك

يا ربّ شعبك محتاجلك

إرسل كلامك وإشفينا

نسقط في يدَّك ونعودلك

نترجَّى رحمة تحيط بينا

القرار

يا ربّ أفكارك لينا

صالحة وقصدك خير وشفاء

حتَّى إن سمحت إتذلّينا

نرجع نردَّد لينا رجاء لينا رجاء

العدد 2

إنت اللّي بتنجّي من الموت

نجّيت ودايماً هتنجّي

وفي التَّجارب لينا الصُّوت

كلّ التًّجارب هتعدّي

تسمع صراخ شعبك في الضّيق

تنقذ واسمك يتمجّد

تفضل ساندنا يا أقوى صديق

وعدك لشعبك يتجدّد

العدد 3

إنت اللّي حاسس بألمنا

لازم في وقتك هتجينا

إنت اللّي شايف أتعابنا

وكلّ هــــمّ بيسبينا

إسمع يا سيّد لصراخنا

إغفر وعد لنا وإحيينا

يا ربّ رجّع أفراحنا

إظهر مراحمك ورّينا

1×